Niniĩ ũyũ haha rũirigo-inĩ rwaku Baba
Ndoka gũgũkaĩra ndirũrĩria rigĩ
Moko-inĩ makwa ndĩnamabataro ma andũ
Ngĩenda ũmaririkane ũmacenjerie ũtũũro

Marore na maitho maku wũihũirwo nĩ tha
Ciũma ciaku ciamona macenjerie rĩtwa
Tondũ matirĩ na kũngĩ mangĩtia ũteithio
Ndũkende gũkwĩhoka kwao kũbuĩrie

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

He mũtumia ũndũmire Baba taigue
Ahikage agĩteagwo nĩkwaga ciana
Na ndarĩ agĩa nda akamĩruta wĩ mũira
Thũmba mwana nda-inĩ yake atige kwagagio

Ũngĩ nake atũũraga eriragĩria mũciĩ
Orũrĩte no ndarĩ ona wa igego rĩake
Tondũ wee nĩwe kĩhumo kĩa mĩciĩ iitũ
Hocania ngoro yake na ũrĩa ũmwagĩrĩire

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Warora ũyũ nĩũmũũĩ wega ti kĩgũũta
Nĩetungumanagia nĩgetha ainũkie kĩndũ
Okĩranagia na nyoni nĩgetha akamathe
Na ndarĩ eciria kũrĩa thithino ya mũndũ

Torĩa waumĩrĩire Simeoni magĩtega
Ũkĩmuonereria harĩa megũikia neti
Onake muonie harĩa egũikia neti yake
Ndũkareke thithino yake yũrĩre thĩ

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Kwĩna aya matũũraga na ruo rwa mwĩrĩ
Mendirie indo ciao nĩgetha marigitwo
Matirĩ ũndũ ũngĩ metigĩirie nowe Baba
Hutia ciĩga ciao ciehererwo nĩ ruo

Ciira wa ũyũ naguo waũtuire atĩa Baba
Niathomete nginyagia akaigĩrĩrwo thũmbĩ
Atũũraga acaragia wĩra na ndawone
Muonere wĩra akenerere kĩo gĩake

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Mahingĩrie iroto,merirĩria mao
Magwĩtage Ngai wao nĩkũmatuga
Magwĩtage Ngai wao nĩ ũrĩa ũmekĩire

Ciana cia ngoriai, citirĩre gĩthithi
Aria matarĩ kwao, magĩe wũikaro
Mairigũrĩre ihinga, magĩrĩrwo nĩ ũtũũro

Marore na maitho maku wũihũirwo nĩ tha
Ciũma ciaku ciamona macenjerie rĩtwa
Tondũ matirĩ na kũngĩ magĩtia ũteithio
Ndũkende gũkwĩhoka kwao kũbuĩrie
Mekĩre kĩũndũ magwĩte Ngai wao