Korwo Ndarega Uhonokio Lyrics by Philip Kimani

Waringaringire, ngoro-inĩ yakwa,ta ũyũ ũgũthaithana
Ndahingũra ngĩona, ũhoti mũnene, na wendo ũgũtherera
Ũkĩnjũria na wendo, kana nĩingĩenda, gũtongoragio nĩwe
Nake roho waku, akĩndungatĩra, akĩnyumbũrĩra manene

Korwo ndarega ũhonokio waaku, ngwĩyũria ũngĩũrwo nĩkĩ?
Ingĩhonoka nduĩke mũthingu, ũngĩkĩongererwo kĩ?
Githĩ ndũtuire ũrĩ o Ngai, na ũgũtũũra ũrĩ o Ngai?
Kĩndeithie kwĩguna na tha ici ciaku, na wendo ũyũ waku mũingĩ
Kĩndeithie kwĩguna na ũtugi waaku, na wendo ũtangĩarĩrĩka

Itanamenya, njĩra ciaku, ndeyonaga ndĩ mũgĩ ma
Na rĩu nĩnguona, ndarĩ kĩrimũ, na ũrimũ ũgaithĩrana,
Nũũ ũngĩrega, Ngai wake, na acoke etwo mũndũ mũũgĩ
Nũũ ũngĩrega, njĩra cia ũthingu,na acoke etwo mũtaũku

Korwo ndarega ũhonokio waaku, ngwĩyũria ũngĩũrwo nĩkĩ?
Ingĩhonoka nduĩke mũthingu, ũngĩkĩongererwo kĩ?
Githĩ ndũtuire ũrĩ o Ngai, na ũgũtũũra ũrĩ o Ngai?
Kĩndeithie kwĩguna na tha ici ciaku, na wendo ũyũ waku mũingĩ
Kĩndeithie kwĩguna na ũtugi waaku, na wendo ũtangĩarĩrĩka

Nĩnyonete andũ aingĩ, makũregete, matikwenda njĩra ciaku
Nĩ gwĩtongoria, megwĩtongoria, na meciria ma ngoro ciao
Ningĩ makeĩra, nĩmegũkũheria, mangĩaga kũhonoka
Nĩkuona hihi, ta ũgunĩkaga, rĩrĩa wahonokia mũndũ.

Korwo ndarega ũhonokio waaku, ngwĩyũria ũngĩũrwo nĩkĩ?
Ingĩhonoka nduĩke mũthingu, ũngĩkĩongererwo kĩ?
Githĩ ndũtuire ũrĩ o Ngai, na ũgũtũũra ũrĩ o Ngai?
Kĩndeithie kwĩguna na tha ici ciaku, na wendo ũyũ waku mũingĩ
Kĩndeithie kwĩguna na ũtugi waaku, na wendo ũtangĩarĩrĩka

Ona ingĩtumuma maũndũ-inĩ ma thĩ,hĩmbĩrie muoyo waku
Nayo ngoro yakwa, ithingate muoyo, muoyo ũrĩ thĩiniĩ waku
Naguo mũtharaba,na ũritũ waguo, ũtuĩke mwago gũkua,
Naguo muoyo wakwa, ũgĩtacũkie, werekeire na kũrĩ we.

Korwo ndarega ũhonokio waaku, ngwĩyũria ũngĩũrwo nĩkĩ?
Ingĩhonoka nduĩke mũthingu, ũngĩkĩongererwo kĩ?
Githĩ ndũtuire ũrĩ o Ngai, na ũgũtũũra ũrĩ o Ngai?
Kĩndeithie kwĩguna na tha ici ciaku, na wendo ũyũ waku mũingĩ
Kĩndeithie kwĩguna na ũtugi waaku, na wendo ũtangĩarĩrĩka

Baba ndongoragia, na njĩra ciaku, ndĩ wĩra wa moko maku
Ũgĩkenagĩre, kũnyita guoko na ũmenyagĩrĩre
Nĩamu nĩũĩ, ndiũĩ Ngai ingĩ, no we ndũire ngumagia
Na nowe ngũtũũra, nyinamagĩrĩra, gũkũ thĩ ona igũrũ.

Korwo ndarega ũhonokio waaku, ngwĩyũria ũngĩũrwo nĩkĩ?
Ingĩhonoka nduĩke mũthingu, ũngĩkĩongererwo kĩ?
Githĩ ndũtuire ũrĩ o Ngai, na ũgũtũũra ũrĩ o Ngai?
Kĩndeithie kwĩguna na tha ici ciaku, na wendo ũyũ waku mũingĩ
Kĩndeithie kwĩguna na ũtugi waaku, na wendo ũtangĩarĩrĩka

Korwo ndarega ũhonokio waaku, ngwĩyũria ũngĩũrwo nĩkĩ?
Ingĩhonoka nduĩke mũthingu, ũngĩkĩongererwo kĩ?
Githĩ ndũtuire ũrĩ o Ngai, na ũgũtũũra ũrĩ o Ngai?
Kĩndeithie kwĩguna na tha ici ciaku, na wendo ũyũ waku mũingĩ
Kĩndeithie kwĩguna na ũtugi waaku, na wendo ũtangĩarĩrĩka

311 Views

You may also like ...

No comment

Leave a Reply

Your email address will not be published. Required fields are marked *

error: The Content is protected !!