Kĩrĩro gĩũkaga ũtukũ,
Rũciinĩ gũkaroka ngemi
Ũtukũ wakwa rĩu nĩũthirĩte,
Rũciinĩ rwakwa rũgakĩa

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.

Nĩanjehereirie rwĩmbo
Rwa thĩna kanua-inĩ gakwa
Agakahe rwĩmbo rwa gũkũngũiya
Ng’anage mawĩko make

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.

Nĩhĩtũkĩire werũ-inĩ
Kwĩ ng’aragu ona nyota
No Ngai wakwa ndarĩ andekereria
Anduthũriire ithima kuo

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.

Ndanahĩa nĩ riũa inene
Ndanatumanĩrwo nĩ nduma
Ndanakinya handũ ngarigwo ngwĩka atĩa
No Ngai agooka akandeithia

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.

Mbaara yananenehera
Magerio makanyingĩhĩra
Kũhũthio nĩ andũ ona kuunwo thimo
No ndirĩ ndatirika Ngai

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.

Ngumo na ũgooci nĩ cia Ngai
Ũcio ũnginyĩtie haha ndĩ
Tondũ tiga nĩ ũtugi na tha ciake
Ndingĩraina rwĩmbo rũrũ

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.

Ngũtũũra ndĩhokete Ngai
Na ndĩmũtuĩte Ngai wiki
Na ndigatungatĩra Ngai ĩngĩ
Tiga o Ngai wa Isiraeli

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa

Gĩkĩ nĩ kĩmera gĩakwa
Rĩrĩ nĩrĩo ihinda rĩakwa
Mũthenya wakwa rĩu nĩũkinyĩte
Ndĩgwatĩre igai rĩakwa.