Ngoro yakwa mĩrũĩrĩre Ngai wakwa,
Mũnyũmbi ndũkanandige na ndũkandekie,
Ona ndoona thĩna ndũkanariganĩrwo,
Ndũkareke Mũnyũmbi niĩ thinĩkanio.

Ihoya rĩrĩ ngũhoya niĩ ndĩ gũkũ thĩ,
Njĩtĩkwo gĩtĩ-inĩ gĩaku gĩa ũthamaki,
Njĩtĩkwo nĩwe ũtũũraga ũndeithagia,
Mahoya makwa magũkinyĩre Mwathani.

Makinya makwa harĩa hoothe mageraga,
Nĩwe Ngai mũmathi na mũmoonia njĩra,
Ingĩthiĩ kũ Ngai ũtandemeire gacĩĩra?
Kĩnyite na ũndongorie nĩndetĩkĩra.

Ihoya rĩrĩ ngũhoya niĩ ndĩ gũkũ thĩ,
Njĩtĩkwo gĩtĩ-inĩ gĩaku gĩa ũthamaki,
Njĩtĩkwo nĩwe ũtũũraga ũndeithagia,
Mahoya makwa magũkinyĩre Mwathani.

Thũ ciakwa ciahinga njĩra Mwathi wa muoyo,
Na shaitani arehe ihĩnga cihĩngĩce,
Hĩngĩcũra magũrũ makwa Ngai wakwa,
Ũnyonie njĩra tondũ ndirĩ ũhoti Ngai.

Ihoya rĩrĩ ngũhoya niĩ ndĩ gũkũ thĩ,
Njĩtĩkwo gĩtĩ-inĩ gĩaku gĩa ũthamaki,
Njĩtĩkwo nĩwe ũtũũraga ũndeithagia,
Mahoya makwa magũkinyĩre Mwathani.

Njĩra ĩrĩa ĩrĩ na ũtheri Ngai ĩrĩ o harĩ we,
Gũtirĩ nduma ĩngĩndumanĩra Mwathani,
Tondũ wee nĩwe ũkoragwo ũrĩ ũtheri wakwa ĩ,
Kĩndongorie na ũtheri waku Ngai wakwa.

Ihoya rĩrĩ ngũhoya niĩ ndĩ gũkũ thĩ,
Njĩtĩkwo gĩtĩ-inĩ gĩaku gĩa ũthamaki,
Njĩtĩkwo nĩwe ũtũũraga ũndeithagia,
Mahoya makwa magũkinyĩre Mwathani.