Ndĩraikarĩte thĩ o handũ ngĩtarania,
Ndĩraigua roho-inĩ wakwa ngĩthĩnĩka,
Nandeciria ũhoro ũkoniĩ ũtũũro wakwa,
Ndĩrona nĩbataire ngwĩre ũũ Ngai,

Kinyia mũico ũndũ ũyũ ũthumbũraga,
Ũgatũma ngoro ĩno yakwa ĩgurare,
Kinyia mũico ũndũ ũyũ tu ũthĩnagia,
Amu nguona nĩwĩcokerire mũno.

Nĩngeragia mũno mũno ũtũũro-inĩ ũyũ,
Ona ngerutanĩria ũtungata-inĩ
Nĩnjĩraga andũ ũhoro wa ũtugi waku,
No harĩ na ũndũ ndindĩkanaga naguo.

Kinyia mũico ũndũ ũyũ ũthumbũraga,
Ũgatũma ngoro ĩno yakwa ĩgurare,
Kinyia mũico ũndũ ũyũ tu ũthĩnagia,
Amu nguona nĩwĩcokerire mũno.

Nĩnyonaga ndauhĩrĩria irathimo,
Ona ngoona ihinda nĩ ikinyu nduĩkanie,
Na o rĩrĩ ndeharĩria kwĩgwatĩra,
Ũndũ ũgooka ũgathararĩria irathimo.

Kinyia mũico ũndũ ũyũ ũthumbũraga,
Ũgatũma ngoro ĩno yakwa ĩgurare,
Kinyia mũico ũndũ ũyũ tu ũthĩnagia,
Amu nguona nĩwĩcokerire mũno.

Ti rĩa mbere na ti ra keerĩ ndanoona,
Ũhingũrĩire mĩaka ona mĩnyaka,
No hena ũndũ warahũkaga ũkangũtha,
Muoroto wakwa wothe ũkaringa ihiga.

Kinyia mũico ũndũ ũyũ ũthumbũraga,
Ũgatũma ngoro ĩno yakwa ĩgurare,
Kinyia mũico ũndũ ũyũ tu ũthĩnagia,
Amu nguona nĩwĩcokerire mũno.

Gĩcoka gĩaku nĩkĩrĩ na ũhoti,
Guoko gwaku Jehovah nĩkũrĩ hinya,
Kũu igũrũ mũno nĩũgathagagĩrĩrio,
Tondũ gũtirĩ ũndũ ona ũmwe ũkũremaga.

Kinyia mũico ũndũ ũyũ ũthumbũraga,
Ũgatũma ngoro ĩno yakwa ĩgurare,
Kinyia mũico ũndũ ũyũ tu ũthĩnagia,
Amu nguona nĩwĩcokerire mũno.

Kinyia mũico ũndũ ũyũ ũthumbũraga,
Ũgatũma ngoro ĩno yakwa ĩgurare,
Kinyia mũico ũndũ ũyũ tu ũthĩnagia,
Amu nguona nĩwĩcokerire mũno.