Kimera Giaku Lyrics by Sammy K

Amos nĩonirio kĩoneki,Akĩrwo ũrĩa Ngai abangĩte,
Gũcokereria nyũmba ya Daudi,Na hema ĩrĩa yagũĩte,
Mahinda rĩu nĩ makinyu, imera cikoranĩrĩre,
Gũtirĩ kĩrĩro rĩngĩ andũ a Ngai, ndoka kwanĩrĩra kĩmera.

Kĩmera gĩaku nĩgĩkinyu,
Ũcokerio mĩtheko yaku,
Ihingo ciaku citikehinga rĩngĩ,
Nĩguo Elshaddai aroiga.

Mũtumia kaĩ angĩoha nda, na matukũ make makinye,
Njoke hingĩrĩrie mwana ũcio aciarwo, aaacaa gũtingĩgĩtuĩka ũguo,
Nĩngũgũkũmĩĩra thũ ciaku,acio makũhingagĩrĩria,
Thiĩ ũkagathe matama ma hema yaku,ũkenere kĩmera gĩaku.

Kĩmera gĩaku nĩgĩkinyu,
Ũcokerio mĩtheko yaku,
Ihingo ciaku citikehinga rĩngĩ,
Nĩguo Elshaddai aroiga.

Ihingo ciaku itikehinga,cigũtũũra cirĩ hingũku,
Mũthenya na ũtukũ ngũgwathanĩĩra, andũ makũrehere ũtonga,
Ĩĩ ti itherũ nĩngũgũkenia,thayũ ũgũtuĩka igai rĩaku,
Arĩa maugĩte nĩndagũtigire,mete moone kĩmera gĩaku.

Kĩmera gĩaku nĩgĩkinyu,
Ũcokerio mĩtheko yaku,
Ihingo ciaku citikehinga rĩngĩ,
Nĩguo Elshaddai aroiga.

Nĩnyonete gũthĩĩna gwaku, ona ngoona maithori maku,
Ndũgũthĩna rĩngĩ ndũkũrĩra rĩngĩ,mĩaka ya werũ nĩyathira,
Ngũkwaũra nguo ya thoni,ngũhumbe ya goro makĩriaaa,
Thitango ciaku nĩngũciteyanĩria,wee kenera kĩmera gĩaku.

Kĩmera gĩaku nĩgĩkinyu,
Ũcokerio mĩtheko yaku,
Ihingo ciaku citikehinga rĩngĩ,
Nĩguo Elshaddai aroiga.

Kĩmera gĩaku nĩgĩkinyu,
Ũcokerio mĩtheko yaku,
Ihingo ciaku citikehinga rĩngĩ,
Nĩguo Elshaddai aroiga.