Ngwaria ũhoro wa rũgano rwa airĩtu eerĩ a nyina ũmwe,
Rakeri na Leah airĩtu arĩa maarĩ a Labani,
Rakeri akĩendeka mũno maitho-inĩ ma Jakubu,
Labani ithe oona ũguo agĩgĩtuĩra Leah matua,
Ma kũmũhikithia kwĩ Jakubu ona atarĩ mwende.

Nĩndarega gũtuĩrwo matua niĩ ta Leah,
Gũtũũra magũrũ-inĩ ma andũ arĩa matanyendete,
Atĩ nĩguo hingie watho wa ũrĩa mendaga,
Ona wetungumania kũrĩ o matigakwenda,
Mathia wendo wa Ngai nĩguo ũtarĩ hathara.

Leah agĩa mwana wa mbere ũrĩa wetagwo Reuben,
Eĩrire rĩu nĩ hĩndĩ ekwendwo nĩ Jakubu,
Agĩkĩuga Mwathani nĩonete thĩna wakwa,
Na rĩu mũthuri wakwa nĩ hĩndĩ ekũnyenda,
Ona eekĩte ũguo ndendirwo gũkĩra Rakeri.

Nĩndarega gũtuĩrwo matua niĩ ta Leah,
Gũtũũra magũrũ-inĩ ma andũ arĩa matanyendete,
Atĩ nĩguo hingie watho wa ũrĩa mendaga,
Ona wetungumania kũrĩ o matigakwenda,
Mathia wendo wa Ngai nĩguo ũtarĩ hathara.

Leah atũire mahenya-inĩ ma gũciarĩra Jakubu,
Agĩa mwana wa keeri na wagatatũ akĩĩra,
Rĩu mũthuri wakwa nĩekũnyitithanio naniĩ,
Tondũ nĩndĩmũgĩrĩire tũhĩĩ tũtatũ,
Gũtirĩ na thogora ũngĩtũma mũndũ akwende.

Nĩndarega gũtuĩrwo matua niĩ ta Leah,
Gũtũũra magũrũ-inĩ ma andũ arĩa matanyendete,
Atĩ nĩguo hingie watho wa ũrĩa mendaga,
Ona wetungumania kũrĩ o matigakwenda,
Mathia wendo wa Ngai nĩguo ũtarĩ hathara.

Kwirutanĩria kũnene nĩguo ũkenie andu a thĩ,
Guoya wa gũtua matua maku atĩ andũ mekuuga atĩa,
Nĩkuo kũreheire andũ aingĩ thĩna na mũtino,
Magĩetha kwendwo nginya kũrĩa maregekete,
Wĩrute kwĩyenda na kũmathia wendo wa Ngai.

Nĩndarega gũtuĩrwo matua niĩ ta Leah,
Gũtũũra magũrũ-inĩ ma andũ arĩa matanyendete,
Atĩ nĩguo hingie watho wa ũrĩa mendaga,
Ona wetungumania kũrĩ o matigakwenda,
Mathia wendo wa Ngai nĩguo ũtarĩ hathara.

Ngai ndahoya ũũgĩ hĩndĩ ĩrĩa ngũtua matua,
Ndikanaconoke kana mandũũrie ũkombo-inĩ,
Tarora Leah agĩkinya gũthogorana matunda,
Ma mũriũ Reuben kwĩ Rakeri o kiugo kwendwo,
Nĩgetha ehakanĩrĩre gũkorwo na Jakubu.

Nĩndarega gũtuĩrwo matua niĩ ta Leah,
Gũtũũra magũrũ-inĩ ma andũ arĩa matanyendete,
Atĩ nĩguo hingie watho wa ũrĩa mendaga,
Ona wetungumania kũrĩ o matigakwenda,
Mathia wendo wa Ngai nĩguo ũtarĩ hathara.

Nĩndarega gũtuĩrwo matua niĩ ta Leah,
Gũtũũra magũrũ-inĩ ma andũ arĩa matanyendete,
Atĩ nĩguo hingie watho wa ũrĩa mendaga,
Ona wetungumania kũrĩ o matigakwenda,
Mathia wendo wa Ngai nĩguo ũtarĩ hathara.