Elijah Murugami – Ngatho Ici Ndacituma Lyrics

Ngatho ici ndacitũma Mwathi wakwa
Tondũ wa ciama nene ũningĩire
ũrotũũra ũkumagio hĩndĩ ciothe
Tondu wa ũkaru waku Imanueli.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.

Nditi na ndihũ nene cianangora
Rĩmwe niĩ ngetigĩra ngaigua guoya
Roho ũrĩa wakĩheire nĩguo ndorie
Ngona anyitĩte guoko ngomĩrĩria.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.

Arata akwa mandigire, o ũguo tũhũ,
Rora gũtirĩ o nomwe, ũngĩng’ethera,
Maragia na mĩhehũ, ta Judasi,
Atĩ nĩwandigire, wĩyonanie.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.

Ndirĩ ũndũ niĩ ngĩkiuga,
Nĩnguonete, ciama nene ũkaringa,
Ngĩcionaga, athuri ũkamahonokia, atumia,
Anake na airĩtu, ũrogocwo.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.

Cũthĩrĩria wone ngoma e wĩrainĩ,
Aroiga tũtingĩtoria, ekũigua ũguo
Mĩrimũ mĩingi akarehe, ya gĩcacĩ
Ekũigua ũguo, ekũigua ũguo, tũrĩatoria.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.

Ndungata yaku Ayubu yageririo
Mirimũ yarĩ mĩritũ nĩyatoririe
akĩgerio na mwĩrĩ wake, na indo ciake;
Ndaigana gũgũtirika ona onete ũguo.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.

Ngatho ici ndacitũma Mwathi wakwa
Tondũ wa ciama nene ũningĩire
ũrotũũra ũkumagio hĩndĩ ciothe
Tondu wa ũkaru waku Imanueli.

Amũkĩra, amũkĩra icio ngatho ciakwa
Kuuma ũnyinyi-inĩ wakwa nĩnguonete
Wĩ mwega, wĩ mwega, we, kĩambarare
Rĩu, ũmũthĩ, na rũciũ nginya tene.