Mother and Son – Ngai Mwene Hinya Lyrics

Ngai wakwa mwene hinya na ũhoti
Nĩndooka mbere yaku ngĩthaithane
Ithe witũ tega gũtũ ũnjigue ĩĩ
Tondũ njihũirwo nĩ tha na maithori

Mbaara iitũ ĩneneheire rĩera-inĩ ĩĩ
Kũrĩa maroho mooru maikaraga ĩĩ
Hiũha narua Ngai wakwa ũndeithũre ĩĩ
Nĩgetha ngoro yakwa ĩnyamarũrwo

Mbaara nene Mwathani wahũrirwo ĩĩ
Na ũkĩaũrwo nguo ciothe cia igũrũ
Nake Ngai Mwene hinya na ũhoti
Akĩgiria waũrwo nguo cia thoni
Nĩgetha njagane na ndĩkoneke
Wĩyonanie Mwathani hitha rĩu
Nĩgetha rĩtwa rĩaku rĩtũgĩrio

Ngoma athondekete rũbũtũ rwake ĩĩ
Rũthinĩkanie ngurue-inĩ ya gĩkuũ
Tambũrũkia guoko gwaku Mwathani ĩĩ
Kũnyanĩrĩrie nĩguo ndigathire

Tũma mũraika waku Mikaeli ĩĩ
Ahũrane na ngoma cia rĩera-inĩ
Arutũrũre ngoma ciothe rĩera-inĩ ĩĩ
Nĩgetha niĩ ndekwo ndĩhĩtũkĩre

Danieli ndungata yaku Jehovah ĩĩ
Akĩnyihia mbere yaku agĩthaithana
Nawe ũkĩigua ũgĩtũma mũraika ĩĩ
Aharũrũkie macokio ma Danieli
Nake mũraika ũcio akĩhingĩrĩrio ĩĩ
Thikũ mĩrongo ĩĩrĩ na ĩmwe rĩera-inĩ

Wathanire Mikaeli aikũrũke ĩĩ
Akahũrane na ngoma cia rĩera-inĩ ĩĩ
Nake mũraika ũcio akĩhingũrĩrwo ĩĩ
Agĩkinyĩria Danieli ndũmĩrĩri

Ona akorwo ngoma erũmĩte kĩni ĩĩ
Na akehĩta akoiga ndithiĩ Zayuni
Ndiramaka tondũ nĩndĩramenya ĩĩ
Mbaara ĩno ti yakwa nĩ yaku Ngai
Na ngamenya Mwathani e thĩiniĩ wakwa ĩĩ
Koguo tiniĩ ndũraga nĩ Mwathani
No ngũkinya nĩnjũĩ no ngũkinya ĩĩ
Tondũ Ngai nĩarĩ hinya na ũhoti ĩĩ
Ndakũhoya Mwathani ũndongorie ĩĩ
Nĩgetha ngakinya gwaku Zayuni