Wangari wakabera – Macokio ma Lucy Lyrics

Niĩ nĩndanyitire ndũmĩrĩri yaku
Ĩrĩa wandũmĩire Wamumbe marĩ na Ndichu
Nĩmathaithire mũno ndigane na inegene
Na makĩnjiguithia ũrĩa wothe wamerĩte
Nĩndaiguire ndacokwo nĩ thayũ mũrata
Ngoro inĩ yakwa yothe ngĩigua no tũkĩendane

Gũtirĩ ũrirũ ũtonwo kũĩgua wendo witũ
Nĩũĩkaine Kenya yothe handũ yarũma
Gũtirĩ mũndũ ũtoĩ Lucy nĩ wa Kigia
Ciana ona andũ agima ngumo ndĩigana mwene
Naniĩ ngwenda Umenyage ndĩ waku wa maisha
Matukũ marĩa mothe Ngai egũtũiga thĩ ĩno

Nĩnjũĩ nĩ mahĩtia Kigia mũrata
Andũ makĩigua tũtiraiguithania rũrĩmĩ
Twagĩrĩirwo twendane wendo motomoto
Wendo wa thakame tondũ witũ ti wa mbia
Tuonanĩra mahĩtia reke tuohanagĩre
Tondũ cia mũciĩ cierirwo atĩ itiumaga ndĩra

Nĩnjĩkĩte ithabu rĩa maisha makwa moothe
Ndahũrithania maita anja ngoona nowe
Nĩkĩ kĩngĩkĩgiria mwendwa nduĩke waku
Angĩkorwo wee nĩwamũrĩte ndũrĩ ũngĩ
Ndikagĩa mathangania ngoro yakwa onarĩ
Ngũtũũra ngwendete na wendo ũtarĩ kĩgeri

Mwendwa ingĩrwara wendo ndingĩthiĩ Kenyatta
Ndagĩtarĩ ya wendo nowe mwendwa wakwaa
Kaĩ ũtarĩ wamenya wendo witũ mwendwa
Ndĩũthikagĩrĩra ta ngwacĩ ya mwĩbai
Niĩ nĩnjĩtĩkĩtie nowe wiki thĩ-ĩno
Ngoroinĩ kũiganĩte na ndikagarũrũka

Nĩi nĩnjũĩ kuona kĩmera tikuo kũrĩa
ona ingĩona ũngĩ mwega mwendwa ndingĩgũtiga
Nĩngwenda ũmenyage atĩ ndioyagwo na njeki ĩmwe
Ona ingĩheo ndege ndingĩharũrũka ngoro
Ndũkanathikĩrĩrie mĩario ya andũ mwendwa
Reke twendane tũgatigithanio nĩ gĩkuũ