Nĩũngereirie irĩma-inĩ nyingĩ, ona mĩkuru no mĩingĩ,
Kwaria ma nĩũnyonetie ruo, ona ngoona wega waku,
Nĩũndwarĩte gathabarĩ kuuma twamenyana nawe,
Ihoya rĩakwa no rĩmwe nduĩke kĩrĩa wee wendaga.

Wĩra ũrĩa wanambĩrĩria nowe ũũĩĩ kũũrĩkia,
Nderekereria kũrĩ wee, wanjĩtire nangĩkũigua,
Wakinyũkia ngakinyũkia njũĩ ndwĩhũthĩra ũũru
Nĩndĩrirĩirie mũno,nduĩke kĩrĩa wee wendaga.

Rĩmwe ndanetwara kũũru,ona ngaara ũrĩrĩ kuo,
No guoko gwaku kwĩ hinya kwanagiria nyone ũũru,
Ndanekwo ta ndũrĩrĩ, rĩmwe ngĩetha wagĩrĩru,
No ũkahũndũra na wendo, ũkandirikania ndĩ ithaga rĩaku.

Wĩra ũrĩa wanambĩrĩria nowe ũũĩĩ kũũrĩkia,
Nderekereria kũrĩ wee, wanjĩtire nangĩkũigua,
Wakinyũkia ngakinyũkia,njũĩ ndwĩhũthĩra ũũru
Nĩndĩrirĩirie mũno,nduĩke kĩrĩa wee wendaga.

Rĩmwe ũremi wanatũma aaa, irathimo imwe icererwo,
Na mũndũ agekora kũũru, njĩra ĩrĩa yamũthiũrũrũko,
Ndĩrirĩirie o gũkũigua nginya o rĩrĩa ũtarangenia,
Na tondũ wee ndũrĩ mũrĩa ngũũrũ,kĩndongorie wega-inĩ mũingĩ.

Wĩra ũrĩa wanambĩrĩria, nowe ũũĩĩ kũũrĩkia,
Nderekereria kũrĩ wee, wanjĩtire nangĩkũigua,
Wakinyũkia ngakinyũkia, njũĩ ndwĩhũthĩra ũũru
Nĩndĩrirĩirie mũno,nduĩke kĩrĩa wee wendaga.

Kĩnduge na ũraihu wa mĩaka, ndaihanĩrĩria na mĩrimũ,
Nake roho waku mũtheru atũũre anyonagia njĩra,
Ndeithia gwĩthema macindano,wee akĩrĩ ta ũtungata-inĩ,
Ndiĩrirĩirie o gũkarĩkia weega, no nyende ndĩkie ũrĩa wendaga.

Wĩra ũrĩa wanambĩrĩria nowe ũũĩĩ kũũrĩkia,
Nderekereria kũrĩ wee, wanjĩtire nangĩkũigua,
Wakinyũkia ngakinyũkia,njũĩ ndwĩhũthĩra ũũru,
Nĩndĩrirĩirie mũno,nduĩke kĩrĩa wee wendaga.