Nĩndĩyoneire gĩthima kĩa maĩ me muoyo,
Mũhĩrĩga-inĩ mũhĩrĩga ũrĩa wa Judah,
Mũrita-inĩ mũrita ũrĩa wa Daudi,
Nĩ hatherũku gĩthima kĩa maĩ me muoyo.

Biliii-shiba ,bililai-lai.
Gĩthima kĩa ũrĩa ũrĩ muoyo ũnyendete.

Arĩa matũire,
Na ithima nĩmamakire,
Rĩrĩa maiguire ngumo ya gĩthima kĩu,
Kĩa Bilishiba tondũ nĩkwarĩ kwandĩke
Atĩ nĩgũkagĩa thuna nyũmba ya Daudi.

Jesu nĩwe, gĩthima kĩa maĩ mega
Gĩtahũwaga gĩthima kĩa maĩ me muoyo,
Rĩrĩa ndanyota,thiaga hau gĩthima-inĩ,
Ngenyuĩra maĩ tondũ hatiagaga maĩ.

Nĩ Jesu witũ, waugire ũrĩa ũkanyua maĩ
Maya ndamũhe ndakanyota orĩ orĩ,
Ngoro-inĩ yake, kũrĩtherũkaga njũĩ
Cia maĩ mega, maĩ matarĩ maunjuge.

Taririkana, ũrĩa erire mũtumia,
Mũsamaria amũkora gĩthima-inĩ
Amwĩrire, niĩ nĩniĩ maĩ me muoyo,
Na ũrĩa ũkamanyua ndakanyota orĩ orĩ.

Nĩ ũyũ tũkuona, nyuwage maĩ ma gĩthima,
Kĩa Bilishiba,maĩ matarĩ maunjuge,
Ndĩ rũgendo-inĩ, werũ-inĩ ũyũ wa mathĩna
Nyuwage maĩ tondũ nĩmo ũteithio wakwa.

Mathīna moka,Thiaga hau gĩthima-inĩ,
Ngenyuĩra maĩ,ngahota gũthiĩ rũgendo,
Wega wa Ngai,ũrĩtwaranaga naniĩ na
guoko gwake gũgũtũra kũnyitĩte.